Жогорку Кеңештин депутаттары көчөдөгү жанамалардын текстиндеги орфографиялык каталар үчүн жаза кароону сунушташты.
Парламенттин бүгүн, 23-майдагы жыйынында көрнөк-жарнактар боюнча мыйзам долбоору биринчи окууда каралууда.
Мыйзамга ылайык, жарнамаларга болгон талап күчөтүлөт. Алсак, жарнаманын тексти жазылып жатканда адабий тилдин эрежеси бузулбашы керек деген талап бар. Бул талапты бузган жактарга эскертүү берилет. Эгер бир ай ичинде жанамалардагы ката оңдолбосо же жарым жыл аралыгында кайталана берсе айып салынат.
Айыптын көлөмү жеке жактар үчүн 1 миң сом, юридикалык жактар үчүн 10 миң сом.
Эске салсак, көрнөк-жарнактарды орнотууда адабий тилдин эрежесин бузгандарга учурда 500 сом айып салынат.
