Шартка байланыштуу мен бул шаарга келип, фотоаппаратты колума алып, сейилдеп келдим.
Маалымат үчүн
Бишкектин чыгышынан 30 чакырым алыс жайгашкан аскердик Кант аэродрому Экинчи дүйнөлүк согуш маалында ачылган. Аны Афганистандагы согуш учурунда активдүү колдонушкан. 2003-жылдын октябрынан тарта бул жерде Орусиянын алгачкы аскердик базасы бар. Авиабазанын негизги максаты – ЖККУга кирген өлкөлөрдүн тез чара көрүү боюнча Биргелешкен күчтөрдүн авиациялык бөлүгү болуп эсептелет.
Шаар көп улуттуу – ал жакта кыргыздар, орустар, азерлер, корейлер, жалпылап алганда 80 улут өкүлдөрү жашашат. Алардын баары ынтымактуу, беш кол тең эмес дегендей ар кандай учурлар болот бирок конфессиялар аралык араздашуу деген жок.
Шаар белгилүү, кызыктуу адамдары менен таанымал. Бул шаардын адамдары өз шаарын сүйүшөт.
–Сиз кайдан келдиңиз? Эмнеге сүрөткө тартып жатасыз?”- деп сурашты 2 кыз, бир аздан соң мектеп окуучулары келишип, учурашып калышты. Чогу басып сүйлөшүп кеттик.
–Бул жерде кандай жашайсыңар?
- Бизде 3 микрорайон жана мектептер бар. Акыркы убакта орусиялык маданият өкүлдөрү, музыканттар көп келип башташты.
Сапарымды андан ары уладым. Көрүнүш жакшы эмес: эскирген кабат үйлөрдүн балкондорунда жайылган кирлер, бузулган аллеялар, сугарылбай, каралбай калган дарактар. 1978-жылы салынган милиция бөлүмүнүн абалы жакшы, анын жанында эле жеке айып жайы бар. Милиция алар менен келишим түзүп алышкан, жол кырсыгы болгон учурда унаалар ушул жерге алынып келинет.
Дубалдын ары жагынан иттердин үргөнү угулуп, кароолчусу мени кууп жиберди.
Микрорайондордогу үйлөрдүн абалы жакшы эмес, жакырчылыктын белгиси ушул экени билинип турат. Көпчүлүк жерлерде эле “сатылат” деген жазуу бар. Көчөдө адамдар жокко эсе. Бул жакшы белги болсо керек – канттыктар иштеп жатышат.
-“Менин апам « Абдыш-Ата» комбинатында иштейт”,-деди подъездден чыккан кыз. Анын артынан орто жаштагы киши чыкты.
–Шаарда жумуш барбы?
Кант цемент-шифер комбинаты шаардыктардын сыймыгы. Ал жерде 3 миңден ашуун адам иштейт, бул заводдон чыккан цемент, шифер коңшу өлкөлөргө дагы ташылат.
«Кантское УПП» ЖЧКсы дагы иштейт. Бул жерде шейшептер, матрастар тигилип, макарон, нан чыгарылат. «Кант- Дан-Азык» фирмасы болсо буудайды тартып, комби тоют дагы даярдашат. «Кант типографиясы» гезит, бланка, китеп, журнал чыгарат. «Кант-Сүт» ЖЧКсы болсо сүттү кайра иштетүү менен алек. «Блиц – 1» ЖЧКсы этти кайра иштетип, колбаса, пельмен, котлет, рагу, фрикадельски чыгарат, «Хлебзавод» АКсы нан бышыруу менен алектенет.
Шаардагы жолдор өтө деле начар эмес, ал эми тротуарлардын абалы өтө начар. Шаарды жакшыртуу керек экен. Эскирген кара жыгачтар соолуп, карып калган, ал эми жаңы отургузулган көчөттөр жокко эсе. « Абдыш-Ата» комбинатынын айланасында гана жаш дарактар бар экенин көрдүм.
Канттыктардын көбү жумуш менен камсыз болушса дагы, Бишкекке келип иштегендер да жок эмес.
-“Бизге окууга дагы келишет!”-деп сыймыктануу менен айтты милиция кызматкери. Киргшелкто мыкты с/х колледж бар, ал эми Канттагы ПТУ№25 авторитет. Ошондуктан Канттагы таттуулар өтө даамдуу жасалат. Биздин тортторду жеп көрүңүз”
Күн кеч кирип, күүгүм тарта баштады. Үйгө кетүүгө камындым. Маршрутканын айдоочусу менин фотоаппаратымды көрүп суроо салды:
–Сизге Кант жактыбы? Көп сүрөт тартыңызбы?
Сүрөттөр анча жакшы чыкпайт го деп ойлодум. Бирок бул учурдун чындыгы. Кайра жолугушканча, Кант!
Ирина Байрамукова
