Милдеттүү камсыздандыруу компаниялары акыркы үч айда 44,2 млн сом чогултушту. Ал эми 1,2 млн сом компенсация төлөп, 43 млн сом пайда тапты. Бул тууралуу Улуттук статистика комитети билдирди.
Маалыматка ылайык, 2018-жылдын январь айынан март айынын аягына чейин камсыздандыруу компаниялары экинчи жактар менен 23 миң 98 келишим түзгөн. Жалпы камсыздандыруунун суммасы 27 млрд 601,5 млн сомго жеткен. Төлөмдөрдүн суммасы болсо 44,2 млн сомго жетти. Ал эми 84 камсыздоо учуру катталып, 1,2 млн сом төлөп берилди. Ошентип, 43 млн сом пайда түшкөн.
