Жумгал районунун Кызарт айылындагы К.Мамбеталы уулу атындагы орто мектебинде үчүнчү «Акыл ордо» сынагы болуп өттү. Бул тууралуу «Кызарт жаштар ынтымагы» коомунун төрагасы Жылдызбек Калыгулов билдирди.
Аталган сынак «Кызарт жаштар ынтымагы» коомдук бирикмеси тарабынан жыл сайын өткөрүлүп турат. Бул ирет Аймактарды өнүктүрүү жылынын алкагында уюштурулуп, ага жалпы райондун 15 мектебинен алдыңкы окуучулар катышты.
Сынакта 1–2-орун алгандарга планшет, диплом, китеп берилди. 3-орунга Т.Касымбеков жана А.Осмоновдун томдук китептери, диплом жана 4-орунга К.Роберттин китеби жана диплому тапшырылды. Калган катышуучуларга кызыктыруучу баалуу белектер ыйгарылды.
Иш-чаранын максаты — жаштарды билимдүүлүккө үндөө, мектеп окуучулары ортосундагы достук мамлени чыңдоо. Ошондой эле жаш муундун билимине инвестиция салуу.
Жыйынтыгында:
1-орунду Байзак айылындагы А.Молдокеев атындагы орто мектебинин окуучусу Аяна Эмилбек кызы;
2-орунду Доскулу айылындагы М.Өмүрканова атындагы мектептин окуучусу Эрбол Эрнис уулу;
3-орунду Жаңы-Арык айыл өкмөтүнүн А.Идинов атындагы орто мектебинин окуучусу Диана Садыр кызы;
4-орунду Куйручук айылынын А.Сулайманов атындагы мектебинин окуучусу Туратбек Чынарбек уулу алды.
