Түштүк региондогу бажы кызматкерлери Кадамжай районунда Mercedes-Benz 814 үлгүсүндөгү жүк ташуучу автоунаны текшерүүгө алышты. Бул тууралуу Мамлекеттик бажы кызматынын басма сөз кызматы билдирди.
Текшерүү учурунда 5 миллион 209 мин 220 сомдук бир жолу колдонулуучу устара, Пакистанда өндүрүлгөн кара зире майы, чет өлкөлүк дарбыз уруктары, автоунаага газ куюулуучу жабдык жана электрондук газ жабдуулары табылган. Кароодо бул товарларга тиешелүү документтер жок болуп чыккан.
Учурда бул факт боюнча иликтөө иштери Ош облусунун прокуратурасына тапшырылды.
