Сентябрь айынын башында Ысык-Көлдүн жээгинде өтө турчу III Дүйнөлүк көчмөндөр оюндарынын байге фонду 28 млн сомду түздү. Бул тууралуу Жаштар иштери, дене тарбия жана спорт мамлекеттик агенттигинин директорунун орун басары Канатбек Арпачиев билдирди.
Эске салсак, экинчи Көчмөндөр оюнунун жалпы байге фонду 27 млн сомду түзгөн эле.
Быйылкы иш-чарада спорттун 37 түрү боюнча 582 медаль ойнотулат.
Биринчи көчмөндөр оюндарында 166 жуп медаль ойнотулса, экинчиде 387 медаль коюлган.
Шилтеме: Марал радиосу
