Кыргыз Республикасынын Пакистан Ислам Мамлекетиндеги Элчиси Э.Бейшембиев Исламабад шаарынын Соода-өнөр жай палатасынын Вице-Президенти Низар Ахмед Мирза, Соода-өнөр жай палатасынын туризм боюнча комитетинин жетекчиси Изат Бахши, жаштар бизнесин өнүктүрүү комитетинин жетекчиси Мухаммад Вакас Жаньюа жана Исламабаддын унаа ассоциациясынын катчысы Мухаммад Мушараф Жаньюа менен жолугушту.
Сүйлөшүүнүн жүрүшүндө тараптар эки өлкөнүн бизнес-коомчулугунун соода-экономикалык байланыштарын активдештирүү мүмкүнчүлүктөрүн талкуулашты. Ошондой эле Бишкек- Исламабад-Бишкек түз авиа каттамын ачуу маселеси көтөрүлдү.
Дипломатиялык миссиясынын башчысы Э.Бейшембиев Кыргыз Республикасынын туристтик мүмкүнчүлүктөрү тууралуу маалымат берип, «Кыргыз Республикасынын электрондук виза» системанын иштеши жөнүндө эскертти. Электрондук виза Интернет аркылуу Кыргыз Республикасынын кирүүчү жана чыгуучу туристтик же ишкердик виза алууга мүмкүндүк берип, Пакистандан Кыргызстанга келген турист санынын өсүшүнө көмөк көрсөтүсүн билдирди.
Өз кезегинде, Пакистан тарап мындан ары да соода-экономикалык, маданий-гуманитардык жана туризм тармактарында кызматташууну бекемдөө ниетин билдиришти. Ошондой эле эки өлкөнүн ортосундагы ишкер байланыштарды өнүктүрүүгө даяр экендигин тастыкташты.
