Тажрыйбаларды өнүктүрүү фонду Азия өнүктүрүү банкынын “Кесипкөй окуу жана тажрыйбаларды өнүктүрүү” долбоорунун алкагында түзүлгөн. Фонд жумушчу эмгек рыногунда кесиптердин талаптарын аткаруу максатында түзүлгөн. Окутуу аз убакытта 6 айга чейин жүргүзүлөт.
Окутуу экономиканын приоритеттүү тармагы болгон 25 адистик боюнча окутулууда. Алар: курулуш, тоо-кен өнөр-жайы, туризм, тигүүчүлүк тармагы, айыл-чарба, транспорт жана азык-түлүк өнөр-жайы.
Орто жана башталгыч кесип боюнча билим берүү агенттигинин директору Таалайбек Чолпонкулов: “Жыл сайын Кыргызстанда кесипкөй адистерге болгон талап өсүүдө. Жумуш берүүчүлөргө керек болгон адистерди окутууга ыкчам реакция кылуу керек жана алардын кесипкөй билим берүү базасында окутуу зарыл. Биз бул демилгени колдойбуз жана эмгек рыногунда талап күч болгон кадрларды даярдоочу кесиптик билим берүү лицейлерин жана колледждерин активдүү түрдө тартып жатабыз”-деди.
Окуу үчүн тартылган негизги топтор ишканалардын, уюмдардын кызматкерлери. Алар тажрыйбасын жогорулатуусу зарыл. Ошондой эле калктын аялуу катмарлары (жумушсуз жарандар, ден соолугунун мүмкүнчүлүгү чектелгендер) тартылууда. Белгилей кетсек, билим алуу үчүн арыздар 16 жаштан баштап 65 жашка чейинки кыргызстандыктардан кабыл алынат.
Долбоор республиканын бардык аймактарын камтыйт жана жумуш берүүчүлөр менен тыгыз байланышта.
Андан соң кесиптик билим берүү лицейлеринин жана колледждеринин мугалимдери менен бирге арыздын негизинде кыска мөөнөттүү курстар белгиленип, окуучулар үчүн топтор түзүлөт.
Кенен маалымат алуу үчүн кыска мөөнөттүү курстар боюнча улуттук кеңешчи Адибахон Хайтматовага кайрылышса болот.
+996 312 318–792
+996 776 998–166
