2017-жылдын 24-майында Жогорку Кеңештин жыйынында «Ишкердик субъекттерине текшерүү жүргүзүүгө укугу бар ыйгарым укуктуу органдардын тизмесин бекитүү жөнүндө» токтомуна өзгөртүүлөрдү киргизүү тууралуу» КР Өкмөтүнүн токтомун жактырды.
Бул токтом Кыргыз Республикасын 2015–2017-жылдарга карата туруктуу өнүктүрүү стратегиясын ишке ашыруу максатында, КРнын Өкмөт структураларынын өзгөрүшүнө байланыштуу иштелип чыккан.
Токтом долбоору тууралуу маалыматты ЖКнын экономикалык жана фискалдык саясат комитетинин төрагасы Абдумажит Юсуров жана Экономика министри Арзыбек Кожошев беришти. Иштелип чыккан токтом долбоору 2016-жылдын май-июнь айларындагы токтомдун оңдолуп чыккан варианты.
Бул токтом долбоорунда министрликтердин, ведомстволордун, Башкы прокуратуранын сунуштары жана эскертүүлөрү эске алынган.
Пландалган жана пландалбаган текшерүүлөрдү жүргүзүүгө, жергиликтүү өз алдынча башкаруу органдарын текшерүүгө, кайрадан текшерүүгө ыйгарым укуктары бар мамлекеттик органдарынын тизмесин бекитүү сунушталган.
Ал тизмеге төмөнкү мекемелерди киргизүү сунушталган: Кыргыз Республикасынын Башкы прокуратурасы, Кыргыз Республикасынын Социалдык фонду, Кыргыз Республикасынын Өкмөтүнүн алдындагы экологиялык жана техникалык коопсуздук боюнча инспекциясы, Кыргыз Республикасынын Саламаттыкты сактоо министрлигинин алдындагы санитардык жана эпидемиологиялык ооруларды алдын алуу департаменти.
Добуш берүүнүн натыйжасында депутаттар Ишкердик субъекттерине текшерүү жүргүзүүгө укугу бар ыйгарым укуктуу органдардын тизмесин бекитүү жөнүндө» токтомуна өзгөртүүлөрдү киргизүү тууралуу» КР Өкмөтүнүн токтомун бекитти.
Бул жакшы, анткени токтом ишкердик жана инвестициялык тармактардын өнүгүүсүнө жакшы шарттарды түзөт жана текшерүү учурундагы коррупциялык иштердин алдын алат.
