«Кыргызстан коммерциялык банкы» Кыргыз Республикасынын Өкмөтүнүн “Арзан турак жай 2015−2020” программасынын алкагында берилген насыялар боюнча биринчи ипотекалык күрөөлүктүн чыгарылышын камсыз кылды.
Ипотекалык күрөөлүк – ипотека менен камсыз болгон баалуу кагаз.
“Бул биздин өлкөбүздө ипотекалык насыяны өнүктүрүүдөгү тарыхый кадам, — деп билдирди “Мамлекеттик Ипотекалык Компания” ААК башкармасынын төрагасы Бактыбек Шамкеев.
“Биз “Арзан турак жай 2015−2020” программасынын алкагында берилген насыялар боюнча Ипотекалык күрөөлүктүн чыгарылышына (эмиссия) карата өнөктөш коммерциялык банктар менен кошумча келишимге кол койгонбуз. Ипотекалык күрөөлүктүн пулу Ипотекалык күрөөлүктү чыгара баштоого жана ипотекалык насыялоого Кыргыз Республикасынын фондулук биржасы аркылуу ички рыноктон кошумча каражаттарды тартууга мүмкүндүк берет. Алгачкы Ипотекалык облигациялардын чыгарылышы ушул жылдын аягына пландаштырылууда”,-деди ал.
Кыргызстанда турак-жай маселеси актуалдуу болуп саналат. Адамдардын максаты насыя алуу эмес, турак-жайга ээ болуу.
Банк насыя берсе андан үстөк пайыз алат. Ипотекалык насыялар көп убакытка берилет жана эгерде банкка акча керек болуп калса ипотекалык күрөөлүктү башка банкка күрөө катары бере алат.
Ошондой эле банктар эмиссиялык кагаздарды чыгарып, аларды ачык соодаласа болот. Күрөөлүк ипотекалык рынокто баалуу документ болуп саналат.
Аны алгандар өтө көп коркунучка тушукпайт, себеби банк ага күрөөсүн кайтарып берет.
Маалымат үчүн
Ипотекалык күрөөлүк…Күрөөлүк – бул документалдык баалуу кагаз. Ал мыйзамдуу ээсинде ипотека менен камсыз болуп, каржылык милдеттенме жүктөлөт. Күрөөлүк сөзсүз түрдө мамлекеттик каттоодон өтүүсү керек.
