Бишкек шаардык кеңештин «Республика — Ата-Журт» фракциясы мэр Албек Ибраимовдун бир жылдык отчётун укту.
Мэр мыйзамда жана регламентте «фракцияга отчёт берүү» жок экенин, фракция мыйзамды бузуп жатканын билдирди. Бирок отчёт берүүдөн качпай турганын айтып, мектептерди, маданий жайларды, жолдорду оңдоо иштери жүрүп жатканын белгиледи. Ал быйыл Бишкекте план боюнча 100 көчө оңдолоорун кошумчалады.
Мындан тышкары мэр Албек Ибраимов автобустарды сатып алууга каржы министрлигинен тиешелүү 800 млн сом бөлүнө электигин да билдирди.
Анын айтымында, каржы министри каражат бөлүү тууралуу чечим чыгарбагандыктан, автобус сатып алуу үчүн тендер өткөрүлө элек. Буга байланыштуу мэрия сентябрь айына чейин автобустарды сатып алууга үлгүрбөйт.
Ал бир дагы өндүрүшчү автобустарды кампада сактап отурбай турганын кошумчалады.
