Бишкекте Экономика министрлигинде “Халал-индустрия тууралуу жалпы түшүнүктөр” деп аталган семинар болду.
Глобализация шарттарында халал деген түшүнүк бул диний маселе гана эмес, соода жана бизнес тармагына да тиешелүү болуп калды. Халал-индустрия сапат кепилдигинин символу катары дүйнө жүзүндөгү 1,7 млрддан ашуун жаш мусулман адамдардын тандоосуна айланды.
Эл аралык валюта фонду дүйнөлүк экономиканы узак стагнацияга түшкөнүн билдирип, жашы өтүп калган калк арпасында инвестиция салуу төмөндөгөнүн кулак кагыш кылууда, ал эми халал-индустрия болсо тескерисинче 21-кылымдагы экономикалык өсүштө глобалдуу чечим катары кабыл алынууда.
Халал-индустрия Аргентина, Австралия, Канада, Улуу Британия, Таиланд сыяктуу мусулман эмес өлкөлөрдө да жайылган жана алар мунун тегерегинде ири бизнестерди жасай алышты.
Учурда халал-этти экспорттоодо биринчи жана экинчи орунда Австралия жана Бразилия турат. Бирок Кыргыз Республикасында халал Ислам динине гана байланган тармак катары саналат.
Кыргызстанга халал-индустриянын кириши экономиканын өнүгүүсүнө салым кошот. Халал-индустрия Кыргызстанга кошумча инвестицияларды тартат жана башка өлкөлөргө болгон экспорттун көлөмүн жогорулатат.
