Алардын көбүн патент мөөнөтү аяктап, узарта албай калгандар, ошондой эле чемпионат аяктаганга чейин Орусиядан убактылуу чыга турууну туура көргөн мигранттар түзөт.
Анын айтымында, дүйнө биринчилигинин алдында текшерүүлөр күчөгөндүгүнө байланыштуу айрым орусиялык ишканалар мигрант жумушчуларды убактылуу иштен кетиришсе, башка мигранттардын патент мөөнөтү аяктап, узарта албай калышкан. Каримжон Ёров мындай мигранттарга жардам сунуштаган, бирок алар депортациядан коркуп, өз эрктери менен мекенине кайтышкан.
Футбол боюнча дүйнө чемпионатынын беттештери 14-июндан 15-июлга чейин Москва, Санкт-Петербург, Волгоград, Екатеринбург, Казан, Калининград, Нижный Новгород, Ростов-на-Дону, Самара, Саранск жана Сочи шаарларында өтөт. Бул ири иш-чарага байланыштуу аталган шаарларда кошумча коопсуздук чаралары көрүлүүдө.
