Атайын жумушчу топ түзүлгөнүнө карабастан уюлдук компаниялар эч кандай нормативдик-укуктук актылар жок эле электрондук капчык системасын киргизип алышкан деп санайт Улуттук банк.
«Мегаком» компаниянын башкы директору Базаркулов абоненттер үчүн эч кандай ортомчусуз эле баланстан электрондук капчыгын толтуруу ыңгайлуу экенин билдирди.
Депутат Назаров болсо Кытайда баардык финансылык төлөмдөр телефон аркылуу жүрөрүн жана бул тажрыйбаны үйрөнүү керектигин кошумчалады. Ал эми эл өкүлү Дамирбек Асылбек уулу жарандардын кызыкчылыгын корго максатында жана электрондук капчыктарды өнүктүрүү үчүн парламент КРнын мыйзамына тиешелүү өзгөртүүлөрдү киргизүүгө даяр экендигин белгиледи.
Депутат Баатырбеков болсо Улуттук банк жана уюлдук операторлор кирешелерин гана ойлобостон мамлекеттин кызыкчылыгын дагы эске алуулары керектигин айтты. Талкуунун натыйжасында “Кыргызстан” фракциясынын депутаттары бул маселени үстүбүздөгү жылдын март айында кайра карамай болду.
