Ушул жылдын апрель айынын башында ЕАБР/ ЕФСР эл аралык миссиясы Кыргыз Республикасынын Бишкек шаарына келип кетти. Алардын максаты, ЕФСРдин инвестициялык долбоорунун мониторингин, ошондой эле Кыргыз Республикасына “Ден соолук кербени” грантын берүү боюнча долбоорду даярдоонун мониторингин жүргүзүү процесстерин оптималдаштыруу.
Миссия 2018-жылдын 26-мартынан 28-мартына чейин болду.
Миссиянын алкагында бир катар жолугушуулар жана сүйлөшүүлөр болуп өттү. «Кыргыз Республикасын айыл чарба техникасы менен камсыздоону финансылоо» долбоорду ишке ашыруунун сапатын жогорулатуу жана мониторингин системага салуу маселелери каралды. Ошону менен катар эле КРнын министрликтер, мекемелер жана “Айыл Банк” ААКтын (долбоор боюнча каражаттарды алуучу) өкүлдөрүнүн катышуусу менен тегерек стол өткөрүлдү. Мындан тышкары, айыл чарба техникасын карап чыгуу жана долбоордун алкагында кызматташуунун сапатын билүү максатында, миссия жер-жерлерге барып лизинг алуучулар менен аңгеме түздү.
Маалым кат:
«Кыргыз Республикасын айыл чарба техникасы менен камсыздоону финансылоо» АКШнын 20 млн. доллар көлөмүндөгү инвестициялык долбоор ЕФСР тарабынан 2014-жылдан бери ишке ашырып жатат жана төмөнкү насыя багыттарына берилет:- мындан ары КРдин фермерлерине жана чарбаларына лизингге берүү үчүн айыл чарба техникасын сатып алууга;
- КРде айыл чарба техникасынын сервистик тейлөө инфраструктурасын өнүктүрүүгө.
Долбоордун максаттары:
КРдин айыл калкынын жакырчылык деңгээлин кыскартуу, чакан жана орто фермердик чарбаларын өнүктүрүү, ошондой эле агрардык продукцияны Евразия экономикалык коомдоштуктун өлкөлөрүнүн рынокторуна экспортту көбөйтүүнүн эсебинен жана Фондунун катышуучу-мамлекеттеринен Кыргыз Республикасына техниканы жеткирүү эсебинен интеграциялык эффект.
