Ошондой эле ФАО 2018⁄19-жылдарга карата алгачкы болжолдорун жарыялады. Анда дүйнөдө дан өстүрүү төмөндөй турганы жазылган.
Келерки жылга божомол
Дандар боюнча дүйнөлүк рыноктогу абал тууралуу буга чейинки божомолдор жакшы. ФАОнун жаңы жарыяланган маалыматына ылайык, дан азыктарына болгон суроо-талап да, сунуш да азаят.
Төмөндөө АКШда жүгөрү өстүрүүнү кыскартуудан улам болмокчу. Ал эми буудай өстүрүү Россияда аз болот, себеби былтыркы жылы бул өлкө өтө мол түшүм алган. Аны менен катар эле ФАОнун алдын ала маалыматтарына ылайык, дүйнөдө күрүч өстүрүү 1,3 пайызга жогорулап, 510,6 млн. тоннаны түзөт. Күрүч өстүрүү Азияда көп болуп, рекорддук көрсөткүчкө жетет.
ФАО сезондун акырында дандардын дүйнөлүк запасы (2019-жылдын аягы) 2,7 пайызга кыскарары күтүлүп жатканын билдирип, дан азыктарын колдонуу 27,2 пайызга төмөндөрүн жазган.
ФАОнун дан азыктарынын эл аралык айлануу боюнча биринчи божомолу 406 млн. тоннанын түзөт, бул демек, үстүбүздөгү сезондо күтүлүп жаткан рекорддук көрсөткүч 0,6 пайызга төмөндөйт дегенди бидирет.
Баа тенденциялары
ФАОнун дан эгиндерине болгон баа индекси 4-ай катары менен өсүүдө жана апрелде 1,7 пайызга жогорулады. Азыр ал былтыркы жылдын ушул маалына салыштырмалуу 15,4 пайызга жогору.
ФАОнун сүт азыктарына баа индекси дагы март айына салыштырмалуу 3,4 пайызга өскөн. Бул демек, баардык сүт азыктарына суроо-талап жогору дегенди билдирет.
Өсүмдүк майына болгон баа индекси марттан бери 1,4 пайызга, этке болгон баа 0,9 пайызга төмөндөгөн.
