Евроаймактагы 12 өлкө евротоптун башчысы Марио Сентеного каршы кат жазышты. Алар валюталык биримдик үчүн атайын бюджет бөлүү кереги жок экенин билдиришти.
Катты Нидерландынын Финансы министри Вопке Хокстра Бельгиянын, Люксембургдун, Австриянын, Даниянын, Финляндиянын, Мальтанын, Ирландиянын жана Балтия өлкөлөрүнүн тапшырмасы менен жазган.
Катта Финансы министрлери мындай бюджетти түзүү зарылчылыгы талаш маселе экенин билдиришкен. Алар сунушталган долбоорду кароодо өзгөчө “моралдык коркунучтар” жана “фискалдык нейтралдуулук” боюнча тынчсызданып жатышканын билдиришкен.
Евроаймак үчүн жалпы бюджетти түзүү демилгеси Франциянын президенти Эмманюэль Макронго жана Германиянын канцлери Ангела Меркелге тиешелүү.
