Евразиялык өнүктүрүү банкы Кыргыз-орус өнүктүрүү фондуна 50 миллион доллар насыя бөлөт. Тийиштүү келишимге Евразиялык өнүктүрүү банкынын жетекчиси Андрей Бельянинов менен фонддун төрагасы Эркин Асрандиев 21-февралда кол койду. Бул тууралуу банктын маалымат кызматынан кабарлашты.
Насыянын мөөнөтү 5 жыл. Каражат өлкөдөгү инвестициялык долбоорлорду каржылоого жумшалат.
Кыргыз-орус өнүктүрүү фондунун уставдык капиталы 500 миллион доллар. Фонд өлкө экономикасынын артыкчылыктуу багыттарына, анын ичинде агрардык өнөр жай комплексинде, кийим тигүү, текстиль жана кайра иштетүү өнөр жайы багытындагы долбоорлорду каржылайт.
