Эртең, 29-апрелде шаар күнүнө карата бир катар көчөлөр жабылат. Бул тууралуу мэриянын маалымат кызматы билдирди.
Маалыматта, Манас проспектиси, Чүй жана Киев көчөлөрүнүн айрым бөлүктөрү жабыла тургандыгы айтылат. Ошондой эле Байтик Баатыр көчөсүнүн да айрым тилкелеринде унаа каттамдарына чектөө киргизилет.
Мындан улам мэрия жогоруда аталган көчөлөр аркылуу каттоочу коомдук транспорттордун каттамдарынын өзгөргөнүн кабарлайт.
Жолдор жабылган убакта Токтогул көчөсүнөн каттоочу маршруттук каттамдар: № 103, 104, 107, 111, 122, 134, 135, 136, 137, 138, 139, 143, 148, 164, 166, 170, 172, 179, 185, 199, 211, 212, 216, 219, 220, 224, 225, 227, 240, 243, 254, 258, 260, 264, 269. Ал эми № 42, 38, 7 автобустук каттамдары да шаар күнүндө Токтогул көчөсү аркылуу жүрөт.
Фрунзе көчөсү аркылуу № 103, 104, 107, 108, 111, 129, 134, 135, 136, 137, 138, 139, 143, 148, 166, 172, 179, 185, 211, 212, 213, 216, 220, 222, 224, 227, 240, 258, 264, 260 каттамдары жүрөт.
Москва көчөсүндө батыштан чыгышты көздөй № 122, 164, 170, 199, 122, 225, 243 маршруттук каттамдары иштейт. Ошондой эле 42, 38, 7 автобустук каттамдар да ушул көчө аркылуу жүрөт. Ошондой эле № 2, 3, 7 троллейбустар да Москва көчөсү менен багыт алат.
