«Экспорт кербени 2» маалыматтык кампаниясы Финландия өкмөтүнүн колдоосу менен БУУнун өнүктүрүү программасынын «Соодага көмөктөшүү» долбоорунун жана Швейцария өкмөтү колдоого алган Европа реконструкция жана өнүктүрүү банкынын «Чакан бизнес үчүн кеңеш берүү» деп аталган долбоорунун алкагында ишке ашырылат.
Экономика министринин орун басары Элдар Абакиров билдиргендей, маалымат өнөктүгүнүн максаты – сырткы рынокко чыга турган экспортерлорго беш багыт боюнча маалымат берүү болуп саналат. Эксперттер жер-жерлерге барып нарк түзүү, брэнд жаратуу, өнөктөштөр үчүн коммерциялык сунуштама жазуу, башка рынокторго чыгуу стратегиясын даярдоо, таңгак, белги коюу боюнча маалымат беришет.
“Экспорт кербени” быйыл экинчи ирет өткөнү турат. Кезектеги өнөктүктө эл аралык Panasonic компаниясынын консультанттары таңгактоо жана белги коюу боюнча өз тажйрыйбалары менен бөлүшөт.
Экономика министринин орун басары Элдар Абакиров белгилегендей, сырткы рынокко товарын чыгарууну көздөгөн ишкерлер көпчүлүк учурда айрым талаптарды аткарбайт.
Буга чейин Кыргызстандан Россияга, Казакстанга жеткирилип, бирок белгиси жок кайтарылган азык-түлүктөрдүн көп партиясы катталган.
Мындан улам адистер ишкерлерге экспорттоодогу негизги элементтерди үйрөтүү кербендин негизги максаттарынын бири деп эсептейт.
Экспортту өнүктүрүү бөлүмүнүн башчысы Жалын Жээналиев Кыргызстандан экспорттолгон мөмө-жемиштердин кайра артка кайтарылгандыгын эске алганда долбоорду маанилүүлү жогору жана биринчи иретте белги коюу маселесине көңүл бурулат.
Эгерде ишкерлер тарабынан бардык талаптарга жооп берген эреже сакталып, ошого карабастан артка кайтаруу учуру катталса, анда тиешелүү бийлик органы ишкерлердин укугун коргойт. Бирок маселе көпчүлүк сертификат берүү мекемелер ишкерлерден акча алып, текшербестен берип коюуда деп белгиледи Элдар Абакиров.
Биринчи ирет өткоң “Экспорт кербени” 400гө жакын кишини камтыган. Анда негизинен сүт азыктары жана жеңил өнөр жай тармагынын өкүлдөрү катышкан.
Инвестицияны жана экспортту тездетүү мамлекеттик агенттигинин экспортту илгерилетүү бөлүм башчысы Нурлан Арипов өнөктүк учурунда ишкерлер менен малекеттин ортосунда тыгыз байланыш тузүлөт деп эсептейт.
Белгилей кетсек, “Эскпорт кербенинин” өткөн жылы биринчи жолу 21-февралдан 14-мартка чейин болгон.
Бардык ишкерлер, өндүрүүчүлөр, экспортерлер “Экспорт кербенине” катышуу үчүн 0312 62 03 63 телефону аркылуу байланышып, катыша тургандыгын тастыкташы керек.
Бишкек шаары, Чүй, Ысык-Көл, Нарын, Ош, Жалал-Абад жана Баткен облустарында арыздарды кабыл алуу 2017-жылдын 10-ноябрына чейин жүрүзүлөт. Ошондой эле export.gov.kg@gmail.com электрондук дареги аркылуу да катталса болот.
Назгүл Бостонбаева
