2017-жылдын 21-февралынан 20-мартына чейин республиканын бардык облустарында ири масштабдагы маалыматтык кампания өткөрүлөт.
Бул иш-чара ата мекендик ишкерлерге өнүмдү экспорттоонун жакшы жактары тууралуу маалымат берүү үчүн жана аларды колдоо үчүн уюштурулууда.
2014-жылдын жаз айында кол коюлган Келишимге ылайык, Кыргызстан ЕАЭБдин мүчөсү болгон жана бүгүнкү күнү Евробиримдик өлкөлөрүно 6200 товар түрүн экспорттоо мүмкүнчүлүгүн алган.
Экономика министринин орун басары Э.Абакиров ата мекендик өндүрүүчүлөр экспорттун пайдасы тууралуу гана маалымат албастан тиешелүү кызматтар үчүн кимге жана кантип кайрылуу керектиги тууралуу маалыматтарды дагы ала алышат.
“Экспорт кербени” программасынын катышуучусу болуу үчүн арыздар 14-февралга чейин кабыл алынат. Бул жашылча-жемиш, эт, сүт азыктарын өндүргөн, тигүүчүлүк тармакта эмгектенген, бөтөлкөдөгү суулар боюнча иш алпарган өндүрүштөрдүн бардыгына тиешелүү иш-чара болмокчу.
Бул кампанияны өткөрүү үчүн ар кандай коомдук уюмдар жана биримдиктер, анын ичинен Кыргызстандын соода-өнөр-жай палатасы, Жергиликтүү өндүрүшчүлөр ассоциациясы, жаш ишкерлер ассоциациясы, “Кыргызстандын агрардык платформасы” коомдук биримдиги, фонддор жана эксперттер жардам беришүүдө.
