Үстүбүздөгү жылдын 2-июлунда Жогорку Кеңеш жана DFID уюму уюштурган «Жогорку Кеңешинин көзөмөлдөө ишмердүүлүгүн» чагылдыруу сынагынан «ЭКОНОМИКА — ишкер маалыматтык агенттиги» гезитинин кабарчысы Наргиза Өмүрбек кызы 1-орунду алды.
Биринчи орунду алгандыгы үчүн Наргиза Өмүрбек кызы грамота жана ноутбук менен сыйланды.
Жогорку Кеңештин Аппаратынын Басма сөз кызматынын жетекчиси Ибрагим Нуракун уулунун айтымында, сынакка 30 ММК катышып, алардан 164 сынактын материалдары келип түшкөн.
«Сынактын жеңүүчүлөрүн тандоо калыстарга абдан оорчулукту жаратты жана ортодо талаш-тартышттар менен чечилди».
Сынак төмөнкү номинациялар боюнча өткөрүлдү:
«Эң мыкты басма материал»;
«Эң мыкты радио материал»;
«Эң мыкты ТВ-материал»
«Эң мыкты интернет-басылма материал».
И. Нуракун улунун билдиришинче, калыстар тобунун мүчөлөрү: КРнын ЖКнен, DFID долбоорунун мүчөлөрү жана тажрыйбалуу журналисттер болду. Келип түшкөн материалдар ар тараптан каралып бааланды, ошондой эле көзөмөл ишмердүүлүгүнө туура келеби же жокпу деген да критерийлер эске алынды.
Аталган сынактын максаты — ММК стимул берүү жана «Жогорку Кеңештин көзөмөлдөө ишмердүүлүгүн» туура чагылдыруу менен коомчулуктун көңүлүн бурдуруу болуп саналат.
