Ак иштеген ишкерлер салыкты очойто төлөп жатышат. Бул тууралуу “Салык процедураларын фискализациялоо жана электрондук системаны киргизүү тууралуу Кыргыз Республикасынын айрым мыйзамдарына өзгөртүүлөрдү жана толуктоолорду киргизүү” тууралуу мыйзамга байланыштуу тегерек стол учурунда айтылды. Аны “Интернет саясаты жарандык демилге” коомдук фондунун директору Татту Мамбеталиева өткөргөнүн Тазабек жазып чыкты.
Анын айтымында, Кыргызстанда салык мыйзамы боюнча бир топ реформалар өткөрүлгөнү менен эч кандай натыйжа жо болуп келет.
“Республикалык бюджеттин киреше бөлүгү өскөнүн көрбөй элебиз. Жакшы реформалар болду, салык мыйзамын өзгөртүү аракети болду. 2010-жылы ККМ киргизилди. Жолдорду куруу, пенсияларды жогорулатуу – бул темалар дагы деле актуалдуу болууда, ошондуктан кантип киреше тапса болорун ойлонуу керек”,-деди ал.
КРнын премьер-министринин кеңешчиси Мамбеталиева учурда салык тармагында адилетсиздик өкүм сүрүп жатканын дагы айтты. “Ак иштегендер өтө көп салык төлөшөт. «Технодом» жылына 40 млн сом төлөп жатса, башка ушуга окшогон ишканалар 2 млн сом эле төлөйт. Салык төлөмдөрү боюнча айырмачылык асман менен жердей. Биз салыкты чогултууда жаңы ыкмаларды киргизгиле дебей элебиз. Биз жаңы салыктарды киргизген жокпуз. Биз теңдик принцибин киргизгибиз келет”,-деди Т.Мамбеталиева.
Ошондой эле Мамбеталиева учурда «Технодом» кыргыз рыногунан кетүүнү маселесин карап жатканын кошумчалады. “Биз реформалардын натыйжасын сезген жокпуз”,-деди ал.
