Документке ЕЭКтин экономика жана каржы саясаты боюнча Коллегия мүчөсү (министр) Тимур Жаксылыков жана Пенсиялык жана социалдык фонддордун эл аралык ассоциациясынын төрагасы, Казакстандын “Социалдык камсыздандыруучу мамлекеттик фонд” акционердик коомунун президенти Сауле Дюсенова кол койду.
Кол коюу иш-чарасы 20-февралда Бишкекте ЕАЭБге мүчө өлкөлөрдө эмгектенип жаткан мүчө мамлекеттердин жарандарын пенсия менен камсыз кылууга арналган тегерек столдун алкагында болду.
Өз кезегинде Пенсиялык жана социалдык фонддордун эл аралык ассоциациясынын төрагасы, Казакстандын “Социалдык камсыздандыруучу мамлекеттик фонд” акционердик коомунун президенти Сауле Дюсенова иштеп жаткан мезгил учурунда ассоциация өлкөлөр ортосундагы интеграциялык байланыштын алкагында жарандарды социалдык камсыздоо жагынан бир топ тажрыйбага ээ болгонун белгиледи. “Биздин тажрыйба ЕАЭБ өлкөлөрүнө бирдиктүү эмгек ресурстарын өнүктүрүүдө кереги тиет деп ишенем”,-деди ал.
Иш-чарага ЕЭКтин, Пенсиялык жана социалдык фонддордун эл аралык ассоциациясынын өкүлдөрү, Кыргыз Республикасынын өкмөт мүчөлөрү жана Кыргыз Республикасынын Жогорку Кеңешинин депутаттары катышышты.
