Орусиянын президенти Владимир Путин ЕАЭБге мүчө өлкөлөдүн бирдиктүү бажы постторун түзүү идеясын колдорун билдиргенин ТАСС жазып чыкты.
“Биздин бажы постторго Беларусиядан же Казакстандан бажычылар келип кесиптештери менен иштесе, биздин бажчылар барып алар менен иштешсе эмнеси жаман? Бул көз карандысыздык принциптерин бузбайт, бул бажынын ишин ачык кылат”,-деди В. Путин журналисттер менен болгон маалымат жыйыны учурунда.
ЕАЭБде чечилбеген маселелер көп, алардын себеби жалпы нормадан четтеп кетүү. Орусиялык лидер бул маселе бара-бара иш пландарына ылайык чечилет.
“Бажы тармагын жөнгө салуу боюнча көйгөй бар. Биздин аймак аркылуу өткөн товарларды электрондук түрдө декларациялоого акырындан бара жатабыз”,-деди Орусиянын президенти.
ЕАЭБди түзүү мүчө мамлекеттердин мыкты жетишкендиктери экенин Орусиянын башчысы билдирди.
“Чечимдер туура экенин жана биз туура багытта бара жатканыбызды сандар айтып жатат. Биримдикке кирген мамлекеттердин ортосунда ички товар айлануу 29%, мүчө өлкөлөрдүн ИДПсы — 1,8% өстү”,-деди В. Путин.
Ошондой эле ЕАЭБдин ичинде товар айлануу боюнча Беларусия мисалга алынды. Беларусиянын экспорту өлкө бюджетин толтурууга көмөктөшөт.
“Беларусь бизден 24 млн тонна нефтини салыксыз алат дагы аны чет жакка эскпорттойт, ал эми түшкөн киреше болсо бюджетине түшөт. Сөз миллиард долларлар тууралуу болууда”,-деди ал.
Ал эми Кыргызстанда азыр миллиарддар тууралуу айтуу эртелик кылат.
