Бул документ бул тармактын ишканаларына каржылык туруктуулукту, инвестицияга түрткү берүүнү, айыл аймактарынын жана айыл чарба продукцияларынын рыногунун туруктуу өнүгүүсүн камсыздайт.
Айыл чарба өндүрүүчүлөрүн малдын ылаңдары, зыянкечтер жана өсүмдүк ооруларынын таралышынан улам жоготууга кабылган учурда тобокелчиликтен камсыздандыруу тутумун жогорулатуу – эң маанилүү чаралардын бири.
Бул документке ылайык, 2017-жылы ЕАЭБ мамлекеттеринде айыл чарбасын колдоо түзүмү өзгөрүлдү. Ошону менен бирге эле, инвестициялык салымдар жана жеңилдетилген насыялар боюнча чыгашаларды толуктоого багытталган чыгашалардын жогорулашы байкалууда, зыянкечтер менен ооруларга каршы күрөшүү үчүн илимий изилдөөлөрдү каржылоонун бюджети кыскарган. Тармактык колдоонун эң көп субсидиялаган багыты катары сүт өндүрүү тармагы кала берүүдө.
Рыноктун субъектилери Биримдиктин мамлекеттеринде жайгашкан кампа инфратүзүмү, сактоо кампаларынын аталышы, түрү, көлөмү, жеткиликтүү сактоо көлөмү жана жайгашкан орду тууралуу маалыматтарды биле алышат.
Биримдиктеги асыл тукум мал чарбачылыгы жаатындагы маселелерге талдоо жүргүзүлгөн жана жактырылган. Эми мүчө-мамлекеттердин биргелешкен ишмердүүлүгү, селекциялык-асылдандыруу ишин жүргүзүүдө эт жана сүт багытындагы мал чарбачылыгын өнүктүрүү үчүн абдан маанилүү болгон геномдук селекциялык тандоо жүргүзүү менен алдыңкы тажрыйбаны жана инновациялык технологияны ишке киргизүүгө негизделет.
Евразиялык координациялык кеңеш асыл тукум ишин өнүктүрүүнүн жалпы стратегиясы боюнча сунуштарды иштеп чыгат, мүчө-мамлекеттердин асыл тукум мал чарбачылыгы жаатында иш алып барган уюмдарынын ишмердүүлүгүн, анын ичинде айыл чарба жандыктарын көбөйтүү жана селекциялык тандоо жаатындагы алдыңкы технологияларды киргизүүнү карайт. Аналитикалык борборлор геномдук талдоо негизинде малдын асыл тукумдук баалуулугун эсептөө боюнча маалыматтарды анализдөө менен иш алып барат.
Маалымкат
Кампалык күбөлүк кампа тарабынан чыгарылган же берилген эмиссиялык эмес баалуу кагаз болуп эсептелет, күбөлүк кампага белгилүү көлөмдөгү айыл чарба өнүмдөрүн кабыл алуу жана сактоону тастыктайт, ал өнүмдөргө менчик укугун, ошондой эле, күрөө менен камсыздалган милдеттенмелерди аткарууну талап кылуу укугун камсыздайт.
