2017-жылдын 12-февралынан тарта “Дөңгөлөктүү транспорттук каражаттардын коопсуздугу” боюнча Бажы союзунун техникалык регламенти ишке кирди.
«Кыргыз Техосмотр» жоопкерчилиги чектелген коому Кыргызстандан ЕАЭБге чыккан унаалардын талапты аткарып жаткандыгы боюнча текшерүү жүргүзүүгө укук алды.
Эми Евразиялык биримдиктеги мамлекеттерге унаа менен баруу үчүн айдоочулардын унаалары техникалык талаптарга жооп берүүсү шарт.
Жүргүзүлгөн техникалык экспертизадан жана унааңыз коопсуз экени тууралуу күбөлүк алган соң кийин сиз Бажы союзундагы өлкөлөрго кире аласыз.
Бул техникалык экспертиза 2017-жылдын 13-мартынан 15-июлуна чейин жүргүзүлмөкчү.
«Кыргыз Техосмотр» ЖЧКсы текшерүүчү минималдуу жабдууларга ээ жана кызматкерлери дагы бар, ошондой эле имаратынын абалы даны талаптарга жооп берет. Документтер болсо бекитилген процедуралардын алкагында жүргүзүлүп, юридикалык жак статусуна ээ жана кызыкдар адамдардан көз каранды эмес.
№ 18 –жобого ылайык “Дөңгөлөктүү транспорттук каражаттардын коопсуздугу” боюнча Бажы союзунун техникалык регламенти коопсуздук тууралуу күбөлүк алуу үчүн Чүй облусу, Көк-Жар айылы, Мадиев көчөсү, 27 дарегинде жайгашкан «Кыргыз Техосмотр» ЖЧКсына кайрылуу зарыл.
