2017-жылдын башынан баштап банктар дыйкандар үчүн насыя ченемдерин төмөндөтөт. Бул тууралуу өкмөт башчы Сооронбай Жээнбеков билдирди.
Эми насыялар 3 жылга 6% жылдык үстөгү менен бериле баштайт. Негизинен насыялар экспортко багытталган кайра иштетүүчү айыл-чарба тармагына берилмекчи.
2016-жылга салыштырмалуу ченемдер 4 %га кыскарган. Мындан сырткары мамлекет айыл чарбасынын үч тармагына – мал-чарбачылык, өсүмдүк өстүрүү жана кайра иштетүү өнөр жайына субсидия түрүндө колдоо көрсөтөт.
2013-жылдан бери, айыл чарбасын каржылоо долбоорун ишке ашыруудан тарта 53 590 субъектиге жалпы суммасы 17,1 млрд сом көлөмүндө насыя берилген.
Мал чарбачылыгына насыя – 1,5 жылга 10% үстөк менен, өсүмдүк өстүрүүгө – 2 жылга 10% үстөк, айыл чарба продукцияларын кайра иштетүүгө 3 жылга 6 % үстөк менен берүү чечими кабыл алынды.
2017-жылы жеңилдетилген насыя берүү үчүн 7 млрд сом субсидиялоо пландалууда.
Дыйкандарга насыя берүү маселеси учурда курч бойдон турууда, себеби бул тармак коркунучтардан аз корголуп, ага көп учурайт. Инвесторлор айыл-чарбага каражат сала беришпейт.
Карыздарын кайтарбагандыктан “кара тизмеге” түшкөндөрдү жеригилктүү банктар куулук кылууга мажбур кылышууда. Айрым дыйкандар паспорттогу маалыматтарын өзгөртүп, эски насыясын жабуу үчүн кайрадан насыя алышууда.
