Ленин районунун акими Сурдин Тынаевдин айтымында, 2008-жылдан тарта «Дыйкан» базарынын ишмердүүлүгүнөн шаардык бюджетке бир дагы сом түшкөн эмес.
2017-жылдын 1-мартында Экономикалык кылмыштар менен күрөшүү мамлекеттик кызматы «Кыргыз темир жолу» Мамлекеттик ишканасынын жана «Дыйкан» базарынын каржылык-чарбалык ишмердүүлүгүн жүргүзгөн «Лагуна Групп» жетекчисине кылмыш ишин козгогон.
ММКлардагы маалыматтардан «Кыргыз темир жолу» аукцион жүргүзүп, базарды «Лагуна Групп» ЖЧКСына 20 жылга берип жиберген. “2008-жылдан тарта азыркы убакка чейин «Дыйкан» базарынын ишмердүүлүгүнөн шаардык бюджетке бир дагы сом түшкөн эмес.
“Бишкек мэриясынын муниципалдык базарлар дирекциясы” кирешенин 20%ын төлөө тууралуу каржылык отчет талап кылганда «Кыргыз темир жолу» базарды оңдоп-түзөө иштерине 59 млн сом кеткенин жана анын акталуу мөөнөтү 10–15 жыл болорун билдирген. Мамлекеттик ишкана базар ижарага берилгенин кат аркылуу билдирген. Андан соң мэриянын өкүлүнүн катышуусусуз эле «Дыйкан» «Лагуна Групп» ЖЧКсына берилип кеткен”,-дейт Н. Тынаев.
Ошондой эле Эсеп палатасы 2016-жылы жүргүзгөн аудиттин натыйжасында жыл сайын ижара акысынан мамлекеттик бюджетке 7,7 млн сом түшү турушу керек болгону белгилүү болгон.
«Дыйкан» базарын текшерүү болгон учурда 11 мыйзам бузуучулук табылып, бир айдын ичинде алардын 9у гана калыбына келтирилген. Райондор аралык сотко арыз берилип, бирок базардын өкүлдөрү келбегендиктен маселени кароо жылдырылган.
Соттук отурум эми 27-майда болмокчу.
