Кыргызстанда бир сутка ичинде доллардын курсу 20 тыйынга арзандады. Ушул тапта 1 АКШ долларынын курсу 67 сомду түзүүдө.
Борбор калаанын акча алмаштыруу жайларында жана коммерциялык банктарда 1 АКШ доллары 67 сом 50–90 тыйынга сатып алынып, 68 сом 40 тыйындан сатылууда.
Номиналдык курс 69,3443 сом деп белгиленген.
Айта кетсек, доллардын курсу январь айынын башынан бери арзандап жатат. Эки жума аралыгында 1,2 сомго түшүп кетти. 22-январдан бери 40 тыйнга арзандады.
Ошол эле учурда, Улуттук банк тарабынан расмий билдирүү боло элек. Быйылкы жылдын эсебинен Улуттук банк бир жолу интервенция жасап, 5,4 млн доллар саткан.
