Эртең, 30-январда Жогорку Кеңештин Отун-энергетикалык комплекси жана жер казынасын пайдалануу боюнча комитетинин депутаттары Бишкек ЖЭБинде көчмө жыйын өткөрөт. Бул тууралуу эл өкүлдөрү билдирди.
Алар учурда аталган жылуулук борборунда кайсы түтүктөр жарылганын жана канча агрегат иштеп жатканын иликтешет.
Бишкек Жылуулук электр борборундагы тетиктер 1961-жылдан бери жаңыланган эмес.
26-январда Бишкек жылуулук борбордун эски буу казандарына суу жеткирүүчү жабдыктар бузулуп, «Электр станциялары» ишканасы жылуулук борбордун кубаттуулугун 350 мВттан 154 мВтка чейин түшүргөн. Ушундан улам суунун температурасы +84 градустан +62 ге чейин төмөндөп, борбор калаанын жашоочуларынын үйлөрү муздаган.
