Жогорку Кеңеште азыр 2030-жылга чейин мергенчиликке «мораторий» киргизүү тууралуу мыйзам долбоору (азырынча комитеттерде эле) талкууланууда. Анын авторлору — Ата-Мекендик депутаттар Эмиль Токтошев менен Бахадыр Сулейманов жана КСДПдан Жанар Акаев менен Дастан Бекешев.
Депутаттар өлкөдө сейрек кездешүүчү жаныбарлардын саны азаюуда деп айтышууда, ошондуктан мергенчиликке толук тыюу салу керек.
ЭКОНОМИКА бул тыюу салуудан кимдир-бирөө утушка ээ болсо, анда алар браконьердик мергенчиликти уюштургандар жана текшерүүчүлөр деп эсептейт. Коруктарга жана мергенчиликке көзөмөл жүргүзгөн кызмат адамдары азыр деле аз эмес акчага туйтунуша тургандыгы жашыруун эмес. Алардын баасы мергенчиликке толук тыюу салгандан кийин өсүшү гана мүмкүн.
Эң бай туристтер Кыргызстанга мергенчилик үчүн гана келери белгилүү. Бир жумалык мергенчилик турдун баасы 30 миң долларга чейин көтөрүлүшү мүмкүн! Турист-мергенчилерден биздин көпчүлүк жарандарыбыз акча иштеп табышат: айдоочулар, гиддер, ошондой эле мергенчилик үйлөрүн тейлегендер, тамак даярдап, кийим жуугандар жана башкалар.
Бир дагы мамлекетте мергенчиликке толук тыюу салынган эмес. Мезгил — мезгили менен жоголуп бараткан, колдоого муктаж жаныбарларды атууга чектөө киргизилет.
ЭКОНОМИКА депутаттарга Кыргызстандын жаныбарлар дүйнөсүн башка ыкма менен коргоонун ыкмасын ойлоп табуну сунуш кылат. Өлкөдө мыйзамсыз. Браконьерлик мергенчилик кылган чет элдиктерди ооздуктагыла. Анткени алар мөөнөтү ылайык келбеген учурда Кыргызстанда кантип мергенчилик кылышкандыгын интернетке видеоролик кылып жайгаштырып, кутуруп кетишти (мындай окуя быйыл жайында болгон). ИИМди баардык мыйзамсыз мергенчилик окуяларын аныктап, ведомствонун жеке сайтына чет тилинде алардын аты-жөнүн жарыялоо менен ошол чет элдиктердин тилинде жайгаштырууну милдеттендириш керек. Бул азыр чет элдиктерге салынып жаткан айыптан көрө бир топ күчтүү таасир этерине ишенип коюңуз.
