Ысык-Көл районундагы Бостери, Бактуу-Долоноту сындуу айылдардын, Чолпон-Ата шаарынын айланасында коттедждер башаламан курулууда. Алардын инфратүзүмү каралган эмес. Башаламан курулуштарды тезинен токтотуу керек. Бул тууралуу депутат Акылбек Жамангулов Жогорку Кеӊеш жыйынында билдирди.
«Ысык-Көл айланасындагы башаламан курулуштардын долбоорлору да, технико-экономикалык негиздемелери да жок. Тилекке каршы, анын жүрүшүнө жергиликтүү бийлик органдар да, көзөмөл органдары да көзөмөл кылбайт. Ушундай эле кырдаал ордо калаанын Чоӊ-Чүй-Каналынын айланасында да, Горький жана Алматы көчөлөрүнүн боюнда да орун алган. Азыртан тиешелүү чаралар көрүлбөсө, кийин кеч болуп калат», — дейт өкүлү.
