Эл өкүлү Дастан Бекешев жол эрежелерин сактоодо, айып пул төлөөдө адилеттүү мамиле жасалбай жатканын билдирди. Мындай сынды депутат парламент жалпы жыйынында айтты.
–Видеобайкоолор качан орнотулат? Убакыт өтүп жатат. Кырсыктар көбөйүп, майыптар да көбөйүүдө. Жол эрежесин бузгандагы теңсиздикти кантип жоёсуздар? Чоңдор айып төлөбөй жатат да.
Өз кезегинде биринчи вице-премьер-министр Кубатбек Боронов «Коопсуз шаар» долбоорунун алкагында видеобайкоолор күз мезгилинде коюларын айтты.
Учурда Жогорку Кеңеште жол кыймылынын коопсуздугу жана «Коопсуз шаар» долбоору боюнча өкмөттүк саат өттү.
