Өзгөн районундагы табигый кырсыктан жабыркаган социалдык объектилерди калыбына келтирүүгө 370 млн сом өлчөмүндө каражат бөлүндү. Бул тууралуу вице-премьер-министр Дайыр Кенекеев Жогорку Кеӊештин Транспорт, коммуникациялар, архитектура жана курулуш боюнча комитетинин кезектеги жыйынынын жүрүшүндө билдирди.
Ал Жогорку Кеӊештин Ош облусунун Өзгөн районунда болгон өзгөчө кырдаалдын кесепеттерин жоюу боюнча токтомун аткаруу алкагында атайын иш-чаралар өткөрүлүп, кооптуу жерлерде жашаган баардык тургундар коопсуз жайларга көчүрүлгөнүн билдирди.
«Бул багытта аларга 216 гектар жер бөлүнүп, анда 751 бүлө жайгаштырылды. Азыр 273 турак курулууда, ал эми 72 бүлө жаӊы үйлөрдө жашап жатат. Андан тышкары, «Жаман-Адыр» жана «Ана-Кызыл» конуштарынын башкы планын иштеп чыгуу үчүн 3 млн сом, электр чубалгыларын тартууга 40 млн сом каралган», — деди ал.
