Жыйынга Армения Республикасы, Беларусь Республикасы, Казахстан Республикасы жана Россия Федерациясы, ЕЭК Коллегиясынын төрагасы Тигран Саркисян, Коллегиянын мүчөлөрү ЕЭК (министрлери) катышты.
Евразия Экономикалык комиссиясынын (ЕЭК) кеңешинин жыйынтыгында ЕАЭБ мындан аркы интеграциялык өнүгүүсүнө багытталган бир катар документтер жактырылды.
Жыйында ЕЭК кеңеши Евразиялык биримдикке мүчө өлкөлөрдө электрондук автопаспортторду киргизүү зарылдыгын дагы бир жолу белгилеп, биримдикке мүчө өлкөлөрдүн өкмөттөрүнө электрондук инфраструктураны колдонуу мүмкүнчүлүгүн ачуу жана системанын ишин баштоону камсыз кылуу үчүн нормативдик укуктук актыларды кабыл алууну сунуштады.
ЕАЭБге мүчө мамлекеттерде унааларды жана башка паспорт керек болгон техникаларды чыгарган органдардын бирдиктүү тизмесин түзүү зарыл.
ЕЭК кеңеши “Балдар ойноочу аянттардагы жабуулардын коопсуздугу тууралуу” ЕАЭБдин техникалык регламентин кабыл алды.
ЕЭК кеңеши кабыл алган чечимге ылайык, балдар ойноочу аянтка байланышкан техникалык регламент 2018-жылдын ноябрь айында күчүнө кирет.
Бул Биримдикке мүчө мамлекеттердин эпизоотикалык абалын сактоого мүмкүнчүлүк берет.
Дандар жана тоют кошулмалары малдарга жем берүүдө колдонулгандыктан мал багуунун бир бөлүгү болуп саналат. Бул тармакта ветеринардык көзөмөл жүргүзүү ветеринардык кооптуулуктарды азайтып, айыл-чарба өнүмүнүн “талаадан столго” чейинки жолун аныктайт.
Ошондой эле ЕЭК кеңешинин мүчөлөрү “ЕАЭБдин алкагында дары жана медициналык каражаттарын жөнгө салуу тууралуу актыларды” жактырышты.
Бул буйрукка ылайык, ЕЭК ЕАЭБдеги мамлекеттик органдар менен бирге 2017–2019-жылдары 25 документти иштеп чыгып, кабыл алуусу керек, алардын 20сы дары каражаттарынын айлануусуна, 5и медициналык каражаттарга байланыштуу.
Алардын ичинен:
–дары каражаттарынын туруктуулугун иликтөө талабы;
- дары каражаттарынын кошулмаларын иликтөө жана аларга талап коюу;
–дарыга керек болгон өсүмдүктөрдү өстүрүү, чогултуу, сактоо эрежелери;
–клиникалык изилдөөлөрдү өткөрүүгө уруксат берүү-жары каражаттарын тандоо жана алардын өлчөмүн бекитүү ж.б.
Ийленүүчү нерселерге карата ЕАЭБдеги тарифтер каралып, ЕЭК кеңеши бажы салыгын алып салды. Сөз бут кийим жасоодо колдонулуучу терилер тууралуу болууда.
ЕАЭБдин алкагында ийленүүчү заттарды өңдүрүү жоктугуна байланыштуу кабыл алынган чечим териге байланышкан өндүрүштүн пайда болушуна жана териден бут кийим жасоочуларга жакшы колдоо болот.
ЕЭК кеңешинин чечими ал расмий кабыл алынган күндөн 30 күн өткөндөн кийин күчүнө кирет.
Буйрук идентификациялоо аркылуу маркировкалоо жүргүзүүгө мүмкүнчүлүк берет. Бул үчүн бланкалар даярдалат.
Буйрук ЕЭКтин сайтына расмий жарыяланган күндөн тартып күчүнө кирет.
