Бретт Кинг
Бретт Кинг «Банк 2.0» и «Банк 3.0» деп аталган китептердин автору катары таанымал. Дал ушул адам келечек мобилдик тиркемелерде экендиги айткан жана алар карталардын ордун басып, банктардын бөлүмдөрү жабыларын билдирген. Ал учурда бул нерсе реалдуу эместей туюлчу, бирок баары Бретт айткандай болду. 2013-жылы ал азыркы банктык системди кармап кереги жок экенин билдирген.
Ошондой эле ал 2015–2016-жылдары көпчүлүк адамдар банк менен телефон аркылуу байланышып каларын айткан. Чынында эле алыста туруп банк менен байланышуу өнүгүп жатпайбы. Банктар жагы кардарларга жакын болушу үчүн чаттарды түзө башташты.
Бретт Кинг СЕО Movenbankтын түзүүчүсү. Бул компания необанкты эске салат. Moven банктын өнүмүн жана колдонуучуну байланыштырып турган мобилдик платформа.
Марк Маллен
Өткөн жылы берген маектеринин биринде Марк Маллен банктык жана финансылык кызматтарда иштеген көпчүлүк сыяктуу эле амбициясы болбогонун айткан. 2013-жылы ага Metro Bankтын негиздөөчүсү жана мурунку төрагасы Энтони Томсон кайрылган.
Натыйжада 2014-жылдын апрель айында санариптик Atom Bank түзүлгөн. 2015-жылдын ноябрь айында болсо Испаниянын BBVA банкы бул санарип банкка 45 млн фунт салган натыйжада бизнестин 29,5% акциясына ээ болгон. Учурда Atom орто жана чакан бизнес үчүн насыя берет.
“Atomдогу ар бир кадам баары жеңил жана жөнөкөй болуусу үчүн жасалат. Биз бюрократияны жана кагаз менен иштөөнү жаман көрөбүз, ошондуктан биз аларды лексиконубуздан алып салганбыз. Биз өзүбүз ишенбеген бир да нерсени жасабайбыз”,-деген Маллен.
Герман Греф
Саясаттан кетүү менен Герман Греф Орусиядагы ири банктардын бири болгон Сбербанкты жетктеп калган. Натыйжада ал бул жайдан Google, Amazon жана Facebook менен теңтайлаша турган санариптик гигантты түзүү тапшырмасын койгон. Ал учурдун талабына ылайык, банктардын баары тез жана азыркы маалда кызмат көрсөтүшү керектигин айткан.
2015-жылы эле акционерлердин чогулушунда Герман Греф Сбербанк банкингде санарип технологиялары боюнча драйверлердин бири болорун айткан. Айтымында, жакынкы 5 жылда Сбербанк үчүн маанилүү багыт-технологиялык жактан өнүгүү болуп саналат.
Ушул жылдын февраль айында Сочиде өткөн конференцияда Греф Сбербанк 2018-жылдын акырында толугу менен санарипке өтөрүн билдирген. “2018-жылдын аягына чейин биз толугу менен санарип уюму болушубуз керек, кагаз менен байланышкан бир дагы процесс болбошу керек”,-деген ал.
Маттиас Кронер
“Биз социалдык түйүндөрдүн өнүгүп жатканын карап алар банк тармагына жана башка: коммуникация, жарнама, музыкалык индустрияга таасир берерине көзүбүз жеткен. Жаңы түрдөгү банк түзүү үчүн бул жетиштүү болчу. Ал учурда өнөктөштөрүм менен биргеликте түзгөн инновациялык долбоорлорго инвестиция салган Келш, Кронер и Ко компаниябыз бар болчу. Бул бутик натыйжада Fidor Bank болуп калды”
2007-жылы алар банк лицензиясын алуу үчүн кайрылып 2009-жылы аны алышкан.
“Банктар кризис учурунда жоготконун биз таап алгыбыз келет – бул ишеним”,-дейт Fidor Bankтын негиздөөчүсү. Бирок ал банк финтех-компания эмес экенин билдирген.
Олег Тиньков
2006-жылы белгилүү ишкер Олег Тиньков Москвадагы Химмашбанкты сатып алган. Тал ошол жерден алгачкылардан болуп алсытан кызмат көрсөтүүнү баштаган Тинькофф банктын тарыхы башталат.
“Мен банк курам деп ойлочумун, чындыгында IT-компания түзүп койдум. Бирөөлөрдүн көзүнчө банкир болуп көрүнүү мени көп кызыктырбайт. Анткени банк – бул бүттү, 5 жылдан кийин банктар болбойт” ‚-деген ал.
Анне Боден
“Amazon компаниясы сатып алууларды трансформациялаган, iTunes тиркемеси аркылуу музыка угууга мүмкүнчүлүк ачылган. Буга чейин мындай нерсени эч ким колдонгон эмес”,-дейт Анне Боден. Дал ошондуктан Британияда санариптик Starling Bank пайда болгон. Анын сайтында жазылгандай, банктын түзүүчүсү бир жыл дүйнөнү кыдыргандан кийин технология тармагындагы акыркы жаңычылыктар менен тааныш болгону жазылат.
Starling Bank бир гана өнүмдү тартуулоону чечкен – эсептешүү эсептер жана төлөмдөр.
Валентин Штальф
“N26 — бул тозоктон бир стакан суу ичкенге барабар” TechCrunch гезити N26 деп аталган немис банкын дал ушундай сүрөттөгөн. Банк Берлинде орун алганы менен мобилдик аппараттарды колдонуу менен бүткүл Европаны багынтууга кам көрүп келет.
“Салттуу банктар санарип талап кылган кардарлардын талаптарына ылайыкташа албайт. Number26 банкынын кызматына талап фантастикалуу болду жана биз жаңы рынокторду багынтууга даярбыз”,-деген Валентин Штальф.
Том Бломфилд
“Мен ойгонорум менен өзүмө: менин банкым начар, бул балдар болсо динозаврлар” деп айтам. Алардын кадамдары мени, үй-бүлөмдү, досторумду согуп жаткандай. Баарыбызга жакшы банк кызматы керек, ал болсо жөн гана жок”,-дейт Том Бломфилд.
Натыйжада 2015-жылы банк түзүлүп, Monzo Bank деп аталышы өзгөргөн.
“2016-жылдын октябрь айында сервис 4,8 млн фунт стерлингди тартып, инвестициялардын саны 12,8 млн фунт стерлинг болгон”,-деп жазат «Прайс». “Биз планетадагы эң мыкты банкты куруп жатабыз жана силер дагы биз менен болууңузду каалайбыз”,-деген ураанды карманат банк.
Банктык тармактан сырткары Том Бломфилд банк ишинин келечеги тууралуу докладдар менен чыгып турат.
