1-февралда Жогорку Кеңештин жыйынында “Кыргыз Республикасынын Турак жай кодексине өзгөртүүлөрдү киргизүү жөнүндө” мыйзам долбоору 2-окууда каралып, добуш берүүгө жөнөтүлдү.
Бул мыйзам долбоору боюнча Экономикалык жана фискалдык саясат боюнча комитеттин төрагасы Нурланбек Макеев баяндама жасады.
Маалыматка ылайык, мыйзам долбоор менен туруктуу жашоого укугу бар болгон шартта чет өлкөлүк жарандарга жана жарандыгы жок адамдарга Кыргыз Республикасында турак жай сатып алуу, мындан тышкары, Кыргыз Республикасында алардын инвестициялык визасы болсо, турак жай сатып алуу укугун белгилөө сунушталат. Ошондой эле КР Турак жай кодексине улуттук коопсуздукту камсыз кылуу зарылдыгы менен шартталган чет өлкөлүк жарандар, жарандыгы жок адамдар жана чет өлкөлүк юридикалык жактар тарабынан чек ара жанындагы аймактардагы турак жайларды сатып алуу жана куруу менен байланышкан чектөөлөр сунушталат.
Комитеттин төрагасы Н.Макеев мыйзам долбоорун 2-окууда кароодо депутат Дастан Бекешевден келген сунуш эске алынгандыгын маалымдады.
