Президент А. Атамбаев “Айрым мыйзам актыларына өзгөртүү киргизүү” тууралуу Мыйзамга кол койду.
Административдик жоопкерчилик тууралуу Кодекске өзгөртүүлөр киргизилип, ага ылайык, товарларда же прейскурсанттарда баалар сом менен көргөзүлбөсө жарандык жактарга 30, кызматтык жактарга 150 эсеп көрсөткүчүндө айып пул салынат.
Эгерде бир жыл ичинде баалар чет элдик валютада көрсөтүлсө анда физикалык жактар үчүн 50, кызматтык адамдар үчүн 180 эсеп көрсөткүчүндө айып пул салынат.
Ошондой эле “Жарнамалар” тууралуу мыйзамга өзгөртүүлөр киргизилди. Анда баалар улуттук валютада көрсөтүлүүсү керектиги жазылган, ошондой эле “Мамлекеттик сатып алуулар тууралуу” мыйзамга ылайык, сынактык документтерди иштеп чыгууда жана келишимдерди түзүүдөгү бардык баалар сом менен көрсөтүлүүсү керек.
Эрежеге ылайык, буга чейин сатууга коюлган лоттор чет элдик валютада көрсөтүлчү.
Мыйзамдарга кол коюлушу деле баа саясатына таасир бербейт. Бул физикалык жактар сом менен сатуу жана сатып алуу жүргүзүшкөнү менен аны эсептөөдө доллардын курсуна жараша иш жасашат.
Бул бардык тармактарга тиешелүү. Чарчы метри үчүн доллар менен эсептелчү кыймылсыз мүлк рыногунда дагы бааларды Улуттук жана коммерциялык банктын курсу менен жөнгө салышмакчы.
