Мисалы, Андижанда жана ага жакын жайгашкан аймактарда күйүүчү майга болгон баа өскөн, бирок буга карабастан май куюучу жайларда бензин жок. Күйүүчү майга болгон бир чакырымга чейин созулган узун кезектер өзбекстандык айдоочуларды аткезчилердин кызматтарынан пайдаланууга түртүүдө.
Андижан облусунун май куюучу жайларынын өкүлдөрү жергиликтүү айдоочуларга бензиндин тартыштыгы базада аларга аз өлчөмдөгү күйүүчү май берип жатканына байланыштуу экендигин айтышкан. AutoServis май куюучу жайынын кызматкери белгилегендей, жакынкы күндөрдө бензин жок болот жана газга өтүү кажет.
“Биз газга өтүүгө даярбыз, бирок ал да сатыкта жок да. Жакында жөө жүрүп калабыз го”,-деди Андижандагы айдоочулардын бири.
“Күйүүчү майга болгон талап унаалардын көбөйгөнүнө байланыштуу болууда. Белгилүү болгондой, Өзбекстанда унааны биргелешип чыгаруу жүрүп жатат. Корея-өзбек унаа заводу 30 миң унаа чыгарат. Инкубатордогудай эле. Жыл сайын Өзбекстанда унаанын саны жарым миллионго көбөйүүдө. Бул унаалардын айдоочуларынын баары бензин сатып алышкандыктан ал тартыш болууда. Май ченелип берилет”,-деди компаниянын өкүлү.
