Өкмөттүн маалыматтык камсыздоо бөлүмү билдиргендей, премьер-министр Сапар Исаков жарандар жана уюмдардын чарбалык же башка иштер менен чек арага жакын аймактарга кирүүсүнө жана жүрүүсүнө уруксат берүү процедураларын жеңилдетүү токтомуна кол койду.
Токтомдун текстинде жарандар чек арага жакын аймакка кирүү үчүн каттоо органдарына кайрылары жазылган. Документ Улуттук коопсуздук кызматы тарабынан бир жумушчу күн аралыгында текшерилет жана кайра каттоо органдарына жөнөтүлүп, уруксат берүү же баш тартуу чечими чыгат.
Жарандар уруксат кагаздарын жана алардын көчүрмөсүн жакынкы чек ара бөлүктөрүнө же тозотторуна көрсөтүүгө тийиш.