Кыргыз Республикасынын Экономика министринин орун басары Данияр Иманалиев 15-майда Чехия Республикасынын өнөр-жай жана соода министринин орун басары Эдуард Муржицки менен жолугушту.
Жолугушуунун жүрүшүндө тараптар эки тараптуу кызматташуунун азыркы абалын жана аларды кеңейтүү мүмкүнчүлүктөрүн талкуулашты. Ошондой эле соода, өнөр-жай, айыл-чарба жана башка тармактарды активдештирүү тууралуу соз болду.
Чехия тарап Кыргыз Республикасында өндүрүүнү локалдаштырууга кызыкдар экенин билдирди.
Жолугушуу 2017-жылдын 15–20-май күндөрү Прагада өтүп жаткан кыргыз-чехия бизнес форумунун алкагында болду.
Бул иш-чаранын максаты – Кыргыз Республикасынын бизнесмендеринин тажрыйбасын жогорулатуу жана мындан аркы мамилени жакшыртуу үчүн чехиялык компаниялар менен таанышуу.
Бул форумдун уюштуруучулары Кыргызстандагы Чехиянын элчилиги жана кыргыз-орус өнүктүрүү фонду.
Бул бизнес форумдун алкагында бир катар иш-чаралар болмокчу, алардын арасында «Skoda» заводуна баруу, «В2В» форматында чехиялык компаниялар менен жолугушуу каралган.
Кыргызстан Евробиримдикте унаа өндүрүүчү объект катары каралбай жатканы өкүндүрөт. Балким ошондо гана экономикалык көрсөткүчтөр бир топ өсмөк. Бир гана айыл-чарба тармагы менен кармалуу кыйын жана өнүгүп жаткан жеңил өнөр-жай тармагы дагы экономиканын өнүгүүсүнө жетишерлик деңгээлде салымын кошо албайт.
