«Чаарат» компаниясы «Центерра Голд» компаниясынан Кумтөр кенин сатып алууга кызыктар экенин дагы бир жолу билдирди.
Маалыматка ылайык, аталган компания бул ирет Кумтөр кенин 1, 025 миллион Канада долларына сатып алууну сунуштады. Анын жарымын компаниянын эсебинен акчалай түрдө, калган бөлүгүн акцияларды сатып алуу менен төлөй турганы айтылды. Муну менен катар келишим ишке ашса, Кыргыз өкмөтүнө акциялардын 50%ын тапшырууну убада кылууда.
«Чаарат» компаниясы бул сунуш кабыл алынаарына ишенүүдө. Себеби, Кумтөр кени учурда базар баасында 740 миллион Канада доллары менен өлчөнүп жатат. Бул «Чаарат» сунуштаган баадан 33%га аздык кылат.
