“ЗИЛ” тоо лыжа базасынын негиздөөчүсү Акбар Рыскуловдун айтымында, совет доорунан бери популярдуу болгон база тез өнүгүүдө жана фестиваль учурунда жаңы жана эски досторун кубануу менен тосуп алат. Деңиз деңгээлинен 1850 метр бийиктикте, Бишкек шаарынан 35 чакырым алыс жайгашкан «ЗИЛ» бара-бара кыргызстандыктар үчүн “кышкы Меккеге” айлана баштады. Бул жайда түнкүсүн дагы муз тебүүгө мүмкүнчүлүк пайда болду.
“Көптөгөң жылдар бою биз ар кандай жатак үйлөргө жардам беребиз. Азырынча кимге жардам берсек деп ойлонуп жатабыз. Бул фестиваль 9-жолу өткөрүлгөнү жатат жана анын уюштуруучулары түшкөн каражатты кайрымдуулукка жумшоодон эч качан баш тартышкан эмес”,-деди КРнын Өкмөтүнүн алдындагы Бизнести өнүктүрүү жана инвестициялар боюнча кеңештин катчысы Койчуманов Талайбек Джумашевич.
“Шаардыктарды активдүү эс алууга жана спортко тартуу” биз үчүн салт болуп калган. Башка күндөрдөгү фестивалдардай эле журналисттер үчүн бекер микроватобус жалдайбыз жана катышуучуларды жеңилдетүү менен ташып, тоо-лыжа жабдууларын алууга 50% жеңилдик беребиз. Ошондой эле ар түрдүү оюндар дагы болот”,-дейт Жөө туризм биримдигинин аткаруучу директору Марат Даниэль.
Ар бир оюн күлкү, шаң, тамаша менен коштолуп, катышуучуларга бекер чай берилип, муз тебүү да бекер болот. Ал эми сүрөткө түшүүнү сүйгөндөр үчүн бул күн өтө кызыктуу болуп, унутулгус күндү сүрөттү көрүп эстеп турушат.
Ошондой эле селфи кылганды сүйгөндөр үчүн «Selfie» сынагы дагы бар. Ага катышуучулар оригиналдуу сүрөткө түшү, аны инстаграммга жүктөөсү керек. Күндүн аягында мыкты селфи кылгандар белек алышат.
Оюн автоматтарынан баштары чыкпай күн өткөрүп жаткан жаштардын баары тоого эс алууга келсе кандай сонун болмок эле. Балким фестиваль тууралуу маалымат жана катышуучулардын сүрөттөрү балким алардын спортко болгон кызыгуусун арттыраттыр.
Ирина Байрамукова
