Бишкек инвестициялык форуму быйыл дагы ишкерлер тараптан сапаттуу бизнес долбоорлорду күтөт. Учурда республика боюнча кабыл алынып жатат. Максаты ишкерлердин каржы маселесин чечүү жана аларга багыт берүү. Тагыраагы ата мекендик ишкерлер бир гана рынок менен эмес, бир канчасына чыгарууну көздөйт. Бул тууралуу ЖИА Бизнес ассоциациясынын башкаруу кеңешинин мүчөсү Урмат Акматов кыргыз-казак чек арасындагы кырдаалга токтолуп альтернативдүү жолдор каралышы керек деди.
Форум өткөн биринчи жылда ишкерлер тараптан 150 долбоор келип түшкөн. Анын ичинен 40ы тандалган. Жыйынтыгында жети долбоор боюнча инвесторлор менен 750миң долларга өнөктөш табылган. Кийинки жылы инвестор менен иштешем деген 250 ишкерден кайрылуу келген. Форумда анын ичинен атаандаштыкка туруштук бере алат делген 60ы инвесторлорго сунушталган. Мындан 5 долбоор 2млн 800миң долларга каражат тапкан.
Уюштуруучулардын айтымында форумда чыккан долбоорлорго кызыгуулар көп. Орто эсеп менен бир долбоорго жылына 5 же 6 инвестор кайрылып жатат. Бирок кызыгып келген инвесторду кармап калуу жолдорун ишкерлер дагы деле жөндөп кете элек экенин ЖИА бизне ассоциациясынын аткаруучу директору Фархад Пакыров билдирди.
Анын билдирүүсүндө, быйыл аймактардагы ишкерлерге эки багыттагы окутуулар өткөрүлдү. Анда идеяны долбоор кылып жазуу, инвестор менен сүйлөшүү жана аны кармап калуу сыяктуу сабактар берилди. Бул окуулар дагы жетишпейт дейт. Бул багытта биринчи жолу видео роликтер тартылып ишкерлерге социалдык тармактар жана жалпыга маалымдоо каражаттары аркылуу таратыла баштады.
Аймактардагы ишкерлерди окутуу маалында негизги үч чоң маселе белгиленген. Бизнес аналитик Санжар Абакиров негизгилеринин бири катары аймактагы ишкерлердин каржы булактарын таба билбегендиги жана инвестор менен иштешүүнү билбегенин атады.
BIF-2017 Бизнес форуму жакында декабрдын башында Бишкек шаарында өтөт. Ага ата мекендик ишкерлер катышат. Ал эми инвесторлордун көбү быйыл Монголия,Түштүк Кореядан жана Индия сыяктуу өлкөлөрдөн экени айтылууда.
Үстүбүздөгү жылы өткөн эки жылдан дагы жогорку деңгээлде өтөөрү пландалууда.
