Мамлекеттик ипотекалык компания КР Өкмөтүнүн “Жеткиликтүү турак-жай 2015−2020” программасын ишке ашыруунун алкагында Бишкекте жана Нарында көп кабаттуу үйлөр курулуп жатканын билдирди.
Эске сала кетсек, эконом-класстагы үйлөрдү куруу 2017-жылдын сентябрь айында башталган. Нарында 60 батир, Бишкекте 135 батир курулат. Каалоочулар үйлөрдү биринчи төлөмүн бербей эле 15 жылга 8% жылдык үстөгү менен ала алышат.
Нарында үй 2018-жылдын ноябрь айында, ал эми Бишкекте 2019-жылдын биринчи кварталында колдонууга берилери күтүлүүдө. Нарындагы үйдүн фундаменти куюлуп, жер төлөсү салынып бүттү.
Белгилей кетсек, курулуш иштери заманбап стандарттарга ылайык жүргүзүлүүдө. Энергетиканы үнөмдөөчү сапаттуу материалдар колдонулууда.
Эң башкысы батирлер толугу менен, тактап айтканда ичи дагы жасалгаланат, демек келечектеги батир ээлери үйдүн ичин оңдойм жеп убара болушпайт.
Жакынкы аралыкта эконом-класстагы үйлөдү Кыргыз Республикасынын баардык аймактарында, анын ичинде Таласта, Баткенде, Жалал-Абадда, Караколдо куруу пландалууда.
