Өткөн жумада Борбор-Азиялык аймактык экономикалык кызматташтык (ЦАРЭС) инстиутутунун директорунун биринчи орун басары Лян Зиченьдин башчылыгы алдында ЦАРЭСтен келген делегация делегациясы Бишкекке келди.
ЦАРЭС институтунун директору Кубат Умурзаков белгилегендей, үстүбүздөгү жылдын июль айында Бишкекте Борбор Азиядагы изилдөө институттарынын Үчүнчү Форуму болот.
Иш-сапардын алкагында ЦАРЭС институтунун өкүлдөрү Кыргызстандын Стратегиялык изилдөөлөр боюнча улуттук институтунун, Борбор Азия университетинин жана Ага Хн уюмунун өкүлдөру менен жолугушту. Анын алкагында ар түрдүү изилдөөлөр болгондо, тренинг, семинарлар өткөндө ЦАРЭС институту менен кызматташуу маселеси талкууланды.
ЦАРЭС институту 2015-жылы түзүлүп, ага 11 өлкө кирген. Институттун негизги максаты – билимди жогорулатуу жана потенциалды өнүктүрүү үчүн шарт түзүү менен Борбор Азия регионунда экономикалык өсүш темпин тездетүү.
Борбор Азиядагы изилдөө институттарынын биринчи форуму 2016-жылы Казакстандын Астана шаарында, экинчи форум 2017-жылы Кытайдын Үрүмчү шаарында өткөн. Ага региондогу өлкөлөрдөн белгилүү эксперттер, эл аралык уюмдар, АӨБ, Дүйнөлүк банк, Европа өнүктүрүү банкы, Ислам өнүктүрүү банкы, ПРООН жана башкалар катышышкан болчу.
