Башкы прокуратура өкмөт башчынын кайрылуусунун негизинде Бишкек жылуулук борборундагы кемчиликтер боюнча “Шалаакылык” беренеси менен кылмыш ишин козгоду.
Маалыматка ылайык, Өнөр жай, энергетика жана жер казынасын пайдалануу боюнча мамлекеттик комитетинин, Улуттук энергохолдинг компаниясынын, “Электр станциялар тармагы” ААКы жана Бишкек жылуулук борборунун кызматкерлери жылытуу мезгилине даярдык көрүүдө кызматттарын так аткарбагандыгы үчүн кемчилик орун алып, ал убагында оңдолгон эмес.
Учурда текшерүү жана иликтөө иштери тийиштүү органдарга тапшырылды. Жыйынтыгы менен күнөөлүүлөр кылмыш жоопкерчилигине тартылары айтылды.
26-январь күнү кечинде Бишкек жылуулук борборрунда авария болуп, анын кубаттуулугу эки эсе төмөндөп кеткен. Бир күндөн кийин өкмөт көйгөй чечилгенин айтканы менен жылуулук берүү калыбына келген эмес. 29-январь күнү дагы бир түтүктөн жаракат кеткени белгилүү болгон.
