Бүгүн, 4-апрелде Жогорку Кеңештин жыйынында “Кыргыз Республикасынын айрым мыйзам актыларына өзгөртүүлөрдү киргизүү жөнүндө” мыйзам долбоору (Үй-бүлө кодексине, “Жарандык абалдын актылары жөнүндө”, “Кыргыз Республикасынын жарандарынын жалпыга бирдей аскердик милдети жөнүндө, аскердик жана альтернативдик кызматтар жөнүндө” мыйзамдарга) каралды.
2-окуудагы мыйзам долбоору боюнча Социалдык маселелер, билим берүү, илим, маданият жана саламаттык сактоо боюнча комитеттин төрайымы Гүлкан Молдобекова баяндама жасады.
Мыйзам долбоордун концепциясы КР Үй-бүлө кодексинин жана жарандык абалдын актылары чөйрөсүндөгү мыйзамдардын ченемдерин Конституцияга ылайык келтирүүгө, ошондой эле жарандык абалдын актыларын мамлекеттик каттоо чөйрөсүндөгү мыйзамдарды инвентаризациялоону, өркүндөтүүнү жана коррупциялык тобокелдиктерди жоюуга багытталган.
Долбоор аркылуу КР Үй-бүлѳ кодексине, «Жарандык абалдын актылары жѳнүндѳ», «КР жарандарынын жалпыга бирдей аскердик милдети жѳнүндѳ, аскердик жана альтернативдик кызматтар жѳнүндѳ» мыйзамдарга жарандык абалдын актыларын каттоо органдарында бала тѳрѳлгѳндѳ мамлекеттик каттоодо ѳздүк персоналдык номерди ыйгарууну киргизүү каралат.
Мындан тышкары, мыйзам долбоору Жарандык абалдын актыларын жазуу органдары аскерге милдеттүүнүн жана чакырылуучунун фамилиясы, аты-жѳнү, туулган күнү жана жери ѳзгѳргѳнү жѳнүндѳ маалыматтарды, ошондой эле аскерге милдеттүү жана чакырылуучу каза болгону катталган жагдайлар жѳнүндѳ райондук (шаардык) аскер комиссариаттарына үч күндүн ичинде билдирүүнү карайт.
Талкууда айрым жагдайлар такталгандан кийин мыйзам долбоору 2-окууда добуш берүүгө жиберилди.
