Бүгүнкү күндө кыргыз өкмөтү бир топ чет элдик уюмдар менен иш алып барат. Алар кыргыз экономикасынын өнүгүшүнө өз жардамдарын берип келет. Мына ошондой уюмдардын бири БУУ болуп саналат. Аталган уюм учурда Айыл чарба, кайра иштетүү жана мелиорация министрлиги менен биргеликте “Азык-түлүк коопсуздугу” боюнча иш алып барууда. Бул айыл жергесиндеги жакырчылык маселесин жоюу болуп саналат. Ошондой эле азык-түлүк коопсуздугун бекемдөө болуп эсептелет. Мындан тышкары жарандардын ээлик кылуу укугун бекемдеп, жерге жетпей жаткан айыл тургундарын атайын реформа кылып, жер үлүшү менен камсыздалса Кыргызстанда азык-түлүк коопсуздугу орнойт дейт Кыргызстан кой чарба ассоциациясынын төрагасы Акылбек Ракаев.
Токойдун экономикага кошкон салымы төмөн. Тактап айтканда, учурда Кыргызстандын ИДПнын 5% гана түзөт. Анализдеп караганда 1%дан 3% чейин көтөргөнгө мүмкүнчүлүктөр бар. Элди жакырчылыктан чыгаруу боюнча же ошол жерде жашаган калкты экономикалык-социалдык жактан өнүктүрүп жаткандыгы боюнча катоого алуу зарыл экенин токой жана жер пайдалануучулар ассоциациясынын жетекчиси Айткул Бурханов ырастады.
Жыйындын алкагында ар бир аймактан келген фермерлер өз пикирлерин айтышып, Жогорку кеңештин депутаты Мирлан Бакировго да суроо узатышып тиешелүү жоопторду ала алышты. Депутат суроолорго жооп берип жатып, Айткул Бурхановдун токой жана токойду пайдалануу мыйзамын киргизүү сунушу боюнча да токтоло кетти.
“Чындыгында бүгүнкү күндө токой чарбасы реформага муктаж. Союз урады, бирок союздун принциби менен эле жумуш аткарылып келе жатат. Эгерде реформа болгон болсо токой пайдалануучулардын салымынын негизинде ички дүң продукциясында дагы өсүү болот.
Негизинен Жергиликтүү чарбаны, калк, жамааты көзөмөлгө алуусу керек. Айткул Бурханов жогоруда айтып кеткен сунушу боюнча жакынкы күндөрү жолугушуп, токойду пайдалануу боюнча жумушчу жыйын өткөрүп ишти баштайбыз.
Ал эми жалпысынан мен айыл чарба министрлигинин ишин “жакшы” деп баалайм. Анткени берилген ишти аткарышууда. Бирок кемчиликтер дагы жок эмес. Айтып кеткендей жайыт комитети боюнча маселе бар. Себеби былтыркы комитеттин чечимдерин ошол эле жайытты пайдаланууда, каражат чогултуудагы мүчүлүштүктөр толтура. Мындай кемчиликтер айтылып кала бербейт. Атайын бир комиттетин жыйынында каралат”-деди ЖК депутаты Мирлан Бакиров.
Ар бир региондун өз көйгөйлөрү бар. Алардын чечүү механизмин иштеп чыгуу керек деген пикирлерин жыйында фермерлер билдиришип, жеринен барып чечүү сунушун киргизишти.
Наргиза Өмүрбек кызы
